அரியலூர் மாவட்டம் செந்துறை அருகேயுள்ள சித்துடையார் கிராமத்தைச் சேர்ந்தவர் ராஜதுரை. இவர் தனியார் பேருந்து டிரைவர். 17 வயது சிறுமி கடந்த ஆண்டு மார்ச் மாதம் அவரின் பாட்டி வீட்டுக்கு வந்திருக்கிறார். அப்போது, ராஜதுரை அச்சிறுமியை காதலிப்பதாக தெரிவித்திருக்கிறார்.
அதனை மறுத்திருக்கிறார் அச்சிறுமி. தன்னை வெறுத்த காரணத்திற்காக ஆத்திரத்தில் ராஜதுரை அந்த பெண்ணை கடத்திச் சென்று பாலியல் வன்கொடுமை செய்ததாகச் சிறுமி தனது பெற்றோரிடம் சொல்லியிருக்கிறார்.
அதனை கேட்டதும், அதிர்ச்சி அடைந்த சிறுமியின் பெற்றோர் இது குறித்து அரியலூர் மகளிர் காவல் நிலையத்தில் புகார் செய்தனர்.
புகாரின் பேரில் போலீஸார் சித்துடையார் கிராமத்திற்குச் சென்று ராஜதுரை காவல் நிலையம் அழைத்து வந்து விசாரணை செய்ததில் சிறுமியின் பெற்றோர் கொடுத்த புகார் உண்மை எனத் தெரிய வந்ததை அடுத்து ராஜதுரை மீது வழக்கு பதிவு செய்து சிறையில் அடைத்தனர்.
இதுகுறித்த வழக்கு அரியலூர் மகளிர் நீதிமன்றத்தில் கடந்த ஒரு வருடமாக நடைபெற்று வந்தது. இவ்வழக்கை விசாரித்த நீதிபதி ஆனந்தன் குற்றவாளி ராஜதுரைக்கு 25 ஆண்டுகள் சிறைத் தண்டனை மற்றும் 10 ஆயிரம் அபராதம் விதித்துத் தீர்ப்பளித்தார்.
from Latest News https://ift.tt/TB93ziZ
0 Comments