கேரள மாநிலம் கண்ணூர் மாவட்டம் செறுபுழா காவல் நிலையத்துக்கு நேற்று காலை 6 மணியளவில் ஸ்ரீஜா என்ற பெண்ப்போன் செய்து, "இன்று நீங்கள் என்னை விசாரணைக்கு அழைத்தீர்கள். நான் விசாரணைக்கு வரமாட்டேன், நானும், குழந்தைகளும் தற்கொலை செய்துகொள்ளப்போகிறோம்" என கூறியிருக்கிறார். இதைத் தொடர்ந்து போலீஸார் ஸ்ரீஜாவின் வீட்டுக்கு விரைந்து. சென்றுள்ளனர். அங்கு வீட்டின் கதவு பூட்டப்பட்டிருந்தது.
கதவை திறந்துகொண்டு உள்ளே சென்று பார்த்தபோது, ஸ்ரீஜாவும் அவரை 2 வாரங்களுக்கு முன் திருமணம் செய்துகொண்ட ஷாஜி(40), மற்றும் ஸ்ரீஜாவின் மூன்று குழந்தைகளான சூரஜ்(12), சுஜித்(10), சுரபி(8) ஆகியோரும் தூக்கில் தொங்கியபடி இறந்துகிடந்தனர். 3 குழந்தைகளும் மாடி படிகட்டின் ஓரத்தில் உள்ள கம்பியில் இறந்த நிலையில் தூக்கில் தொங்கிய நிலையில் காணப்பட்டன. ஸ்ரீஜா மற்றும் ஷாஜி ஆகியோர் அறையில் தூக்கில் தொங்கிய நிலையில் இறந்து கிடந்தனர். குழந்தைகளை கொலை செய்துவிட்டு ஸ்ரீஜா, ஷாஜி ஆகியோர் தற்கொலை செய்ததாக கூறப்படுகிறது. ஒரே வீட்டில் 5 பேர் தகொலைசெய்துகொண்ட சம்பவம் அதிர்ச்சியை ஏற்படுத்தியிருந்தது.
ஸ்ரீஜா காவல் நிலையத்துக்கு போன் செய்துவிட்டு குடும்பத்தினருடன் தற்கொலை செய்துகொண்ட காரணம் குறித்து போலீஸார் கூறுகையில், "ஹோம் நர்ஸிங் வேலை செய்துவந்த ஸ்ரீஜா(35)-வுக்கும் சுனில் என்பவருடன் திருமணம் ஆகி மூன்று குழந்தைகள் இருந்தனர். இந்த நிலையில் 8 மாதங்ககுக்கு முன்பு கட்டடம் கட்டும் வேலை செய்யும் ஷாஜியுடன் ஸ்ரீஜாவுக்கு பழக்கம் ஏற்பட்டது. இதையடுத்து கணவன் சுனிலை பிரிந்த ஸ்ரீஜா ஒரு கோயிலில் வைத்து ஷாஜி-யை கடந்த 16-ம் தேதி திருமணம் செய்துகொண்டார். ஷாஜிக்கு திருமணம் ஆகி 2 குழந்தைகள் உள்ளன. அதே சமயம் ஷாஜி தனது மனைவியை சட்டப்படி விவகாரத்து செய்யவில்லை, ஸ்ரீஜாவும் தனது கணவனை முறைப்படி விவகாரத்து செய்யவில்லை.
ஷாஜியை திருமணம் செய்த ஸ்ரீஜா தனது மூன்று குழந்தைகளுடன் முதல் கணவன் சுனிலுக்கு சொந்தமான வீட்டில் வசித்து வந்துள்ளார். அந்த வீட்டில் இருந்து வெளியேறுமாறு சுனில் பிரச்னை செய்ததுடன், மனைவி மீது காவல் நிலையத்தில் புகார் கொடுத்திருந்தார். அது சம்பந்தமாக விசாரணைக்கு ஸ்ரீஜா அழைக்கப்பட்டிருந்தார். காலையில் விசாரணைக்கு செல்ல வேண்டிய நிலை ஏற்பட்டதை அடுத்து அவர்கள் தற்கொலை செய்துள்ளனர். அவர் போன் செய்ததும் போலீஸ் விரைந்து அங்கு சென்றும் அவர்களை காப்பாற்ற முடியவில்லை" என்றனர்.
அதே சமயம் தனது மகள் கணவனை பிரிந்து வேறொருவருடன் வசிப்பது தனக்கு தெரியாது என ஸ்ரீஜாவின் தந்தை பாலகிருஷ்ணன் தெரிவித்துள்ளார். ஸ்ரீஜா-வுக்கு அவரின் முதல் கணவரான சுனிலுக்கும் அடிக்கடி பிரச்னை ஏற்பட்டு வந்த நிலையில் முதல் கணவனை பிரிந்துள்ளார். 8 மாதம் முன்பு பழக்கமான ஷாஜியுடன் சேர்ந்து 2 வாரங்கள் குடும்பம் நடத்தி வந்துள்ளார். இந்த நிலையில் மூன்று குழந்தைகளின் உயிரையும் பறித்துவிட்டு தற்கொலை செய்துள்ளனர் ஸ்ரீஜாவும், ஷாஜியும். இதுகுறித்து போலீஸார் தொடர்ந்து விசாரணை நடத்தி வருகின்றனர்.
from Latest news https://ift.tt/nQRywFs
0 Comments