`இந்துவா என்பதை அறிய DNA சோதனை செய்ய வேண்டும்!’ - அமைச்சரின் பேச்சால் சர்ச்சை; ராஜஸ்தானில் போராட்டம்

ராஜஸ்தான் மாநிலத்தில் கடந்த டிசம்பம் மாதம் ஆட்சியைக் கைப்பற்றிய பா.ஜ.க, முதல்வராக பஜன்லால் சர்மாவை நியமித்தது. இவரின் அமைச்சரவையில் கல்வித் துறை அமைச்சராக இருப்பவர் மதன் திலாவர். இவர் கடந்த ஜூன் 21-ம் தேதி ஒரு நிகழ்ச்சியில் கலந்து கொண்டு உரையாற்றியபோது, ``ஒருவர் இந்துவா இல்லையா என்பதை அவர்களின் டி.என்.ஏ வைத்து கண்டுபிடிக்க வேண்டும். அவர்கள் இந்துவாக இல்லையென்றால், அவர்களின் தந்தை யார் என்பதை கண்டுபிடிக்க வேண்டும்" என சர்ச்சை ஏற்படுத்தும் விதமாக பேசினார்.

மதன் திலாவர்

அவரின் இந்தப் பேச்சுக்கு ராஜஸ்தான் முழுவதும் கடும் எதிர்ப்பு கிளம்பியது. இந்த நிலையில், கல்வி அமைச்சர் மதன் திலாவரைக் கண்டித்து, பாரத ஆதிவாசி கட்சியினர் சனிக்கிழமை போராட்டம் நடத்தினர். கட்சியின் தலைவரும், பன்ஸ்வாரா எம்.பி.யுமான ராஜ்குமார் ரோட் தலைமையில் இந்தப் போராட்டம் நடந்தது. பாரத ஆதிவாசி கட்சி தலைவர் ராஜ்குமார் கோட் மற்றும் அவரது ஆதரவாளர்கள் தங்கள் ரத்த மாதிரிகளை கைகளில் பிடித்துக் கொண்டு, மதன் திலாவரின் இல்லத்தை நோக்கி அணிவகுத்துச் சென்றனர்.

திலாவரின் வீட்டை முற்றுகையிடச் சென்ற அவர்களை காவல்துறையினர் தடுத்து நிறுத்தினர். இதனால், அவர்கள் அமர் ஜவான் ஜோதியில் ஆர்ப்பாட்டத்தில் ஈடுபட்டனர். அப்போது செய்தியாளர்களை சந்தித்த ராஜ்குமார் ரோட், ``மதன் திலாவரின் பேச்சால் மக்கள் பெரும் கோபம் அடைந்துள்ளனர். அவர் ராஜினாமா செய்துவிட்டு மன்னிப்பு கேட்கும் வரை நாங்கள் போராட்டத்தை விடமாட்டோம். அமைச்சர் மிகப்பெரிய தவறு செய்துவிட்டார். இந்த விவகாரத்தை மாநில சட்டசபையிலும் எழுப்ப உள்ளோம். பிரதமரிடமும் இது குறித்து முறையிட இருக்கிறோம்.

எம்.பி. ராஜ்குமார் ரோட் போராட்டம்

அரசியலமைப்புச் சட்டம் எந்த மதத்தையும் யார் வேண்டுமானாலும் பின்பற்றுவதற்கான சுதந்திரத்தை அனைவருக்கும் வழங்குகிறது. நாங்கள் எந்த மதத்தையும் எதிர்க்கவில்லை. பா.ஜ.க தலைவர்கள் மதவாத அரசியலை நிறுத்த வேண்டும். எங்கள் டி.என்.ஏ பரிசோதனையை மேற்கொள்ளும் வகையில் தலைமுடி, நகங்கள் போன்றவற்றை தபால் மூலம் அமைச்சர் திலாவருக்கு அனுப்பப் போகிறோம்" எனக் குறிப்பிட்டுள்ளார்.

இந்த எதிர்ப்பு போராட்டத்துக்கு பதிலளித்த மதன் திலாவர் தனது முந்தைய நிலைப்பாட்டை மீண்டும் உறுதிப்படுத்தி, ``பழங்குடியினர் எங்கள் சமூகத்தின் ஒரு பகுதி. அவர்கள் இந்துக்கள்தான், இந்துக்களாகவே எப்போதும் இருப்பார்கள்" எனத் தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/crf99e88

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/crf99e88

28 ஆண்டுகால சட்டப் போராட்டம் - அதே பழைய ரூபாய் நோட்டுகள்; லஞ்சப் பணத்தை மீட்ட கோவை சமூக ஆர்வலர்

from Vikatan Latest news https://ift.tt/NGdKzhB