Sivakarthikeyan: `அந்தக் கனவு இன்று நிறைவேறி இருக்கிறது!' - எஸ்.கே-வின் அதிரடி லைன் அப்!

சிவகார்த்திகேயனின் பிறந்தநாளை முன்னிட்டு அவரின் திரைப்படங்கள் தொடர்பான பல அப்டேட்டுகள் நேற்று வந்திருந்தது!

போஸ்டர், டைட்டில் டீசர் என எஸ்.கே-வின் ரசிகர்களுக்கு நேற்றைய தினம் அதிரடி டிரீட்தான்! `அமரன்' படத்தின் வெளியீட்டுப் பிறகு அவரின் படங்களின் மீதான எதிர்பார்ப்பு பல மீட்டருக்கு எகிறியிருக்கிறது. `அமரன்' படத்தை தொடர்ந்து பல அதிரடியான லைன் அப்களையும் தன் கைவசம் வைத்திருக்கிறார் எஸ்.கே.

கடந்த 2014-ம் ஆண்டு `மான் கராத்தே' திரைப்படத்தின் இசை வெளியீட்டு விழா மேடையில் இயக்குநர்கள் ஷங்கர் மற்றும் முருகதாஸ் இயக்கத்தில் நடிப்பதே என் கனவு எனக் கூறியிருந்தார் எஸ்.கே. அந்த கனவு தற்போது அவருக்கு கைகூடியிருக்கிறது. முருகதாஸ் இயக்கும் படத்தில் நடித்து வருகிறார். இப்படத்திற்கு `மதராஸி' என தலைப்பை வைத்து டைட்டில் டீசரையும் படக்குழு வெளியிட்டிருந்தது. இப்படம் சிவகார்த்திகேயனின் கரியர் கவுன்ட்டில் 23-வது திரைப்படம். மீண்டும் ஆக்‌ஷன் ஹீரோவாக சிவகார்த்திகேயன் இப்படத்தில் களமிறங்கியிருக்கிறார். இந்த `மதராஸி' திரைப்படம் இந்தாண்டில் வெளியாகிவிடும் என படக்குழுவும் அதிகாரப்பூர்வமாக அறிவித்திருக்கிறது.

Sk 25

SivaKarthikeyan:`உலகின் தலைசிறந்த சொல் செயல்!' - சிவகார்த்திகேயனின் பிரத்யேக விகடன் ஸ்டில்ஸ்!

ஒரு நடிகரின் கரியரில் அவர்களின் 25-வது படத்தை ஒரு மைல்ஸ்டோன் ப்ராஜெக்ட்டாகவே கருதுவார்கள். அப்படி யோசித்து சுதா கொங்கரா இயக்கும் `பராசக்தி' திரைப்படத்தை தன்னுடைய 25-வது படமாக தேர்தெடுத்திருக்கிறார் எஸ். கே. ப்ரீயட் கதையில் உருவாகும் இப்படத்தில் ரவி மோகன் வில்லனாகவும், அதர்வா, ஶ்ரீலீலா ஆகியோர் முக்கிய கதாபாத்திரங்களிலும் நடித்து வருகிறார்கள். சிவகார்த்திகேயனுக்கு மட்டுமல்ல, ஜி.வி. பிரகாஷுக்கும் இப்படம் ஒரு மைல்ஸ்டோன்தான். அவர் இசையமைக்கும் 100-வது திரைப்படம் இதுதான்.

இந்த இரண்டு திரைப்படங்களும் அதிகாரப்பூர்வமாக அறிவிக்கப்பட்ட படங்களின் விவரம். இதை தாண்டி `அமரன்' திரைப்படத்தின் ரிலீஸ் சமயத்தில் `டான்' படத்தின் இயக்குநர் சி.பி.சக்ரவர்த்தி இயக்கத்தில் ஒரு திரைப்படத்தில் நடிக்கவிருப்பதாக அப்டேட் கொடுத்திருந்தார். அத்திரைப்படம் எஸ்.கே-வின் 24-வது படமாக உருவாகவிருந்தது. ஆனால், அதன் பிறகு அப்படம் தொடர்பான அதிகாரப்பூர்வ அறிவிப்பு எதுவும் வெளிவரவில்லை.

SK in Madharasi

`கோட்' படத்தின் ரிலீஸ் சமயத்தில் இயக்குநர் வெங்கட் பிரபு அடுத்த திரைப்படத்தை சிவகார்த்திகேயனை வைத்து இயக்கவிருப்பதாக கூறியிருந்தார். சமீபத்திய பேட்டியில் ஏ.ஜி.எஸ் நிறுவனத்தின் அர்ச்சனா கல்பாத்தியும், ``சிவகார்த்திகேயனை வைத்து ஒரு படத்தை தயாரிக்கிறோம்." எனக் கூறியிருந்தார். வெங்கட் பிரபு இயக்கும் படமும், ஏ.ஜி.எஸ் தயாரிக்கும் படமும் தனி தனி திரைப்படமா அல்லது ஒரே படமா? என்பது அதிகாரப்பூர்வ அறிவிப்பில் தெரியவரும்.

இந்த லைன் அப்களையெல்லாம் தாண்டி `குட் நைட்' படத்தின் இயக்குநரான விநாயக் சந்திரசேகரன் இயக்கத்தில் எஸ்.கே ஒரு படத்தில் நடிக்கவிருப்பதாக பேசப்படுகிறது. ஆனால், அது தொடர்பான அதிகாரப்பூர்வ அறிவிப்பு எதுவும் இதுவரை வெளிவரவில்லை.

இதில் எந்த திரைப்படத்திற்கு நீங்கள் வெயிட்டிங்?

Sivakarthikeyan: "சினிமாவின் மீதான அவரது காதல் என்றென்றும் தொடரட்டும்..." - கமல்ஹாசன் வாழ்த்து

சினிமா விகடனின் பிரத்யேக Whatsapp க்ரூப்

https://ift.tt/N9dJmoa

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://ift.tt/N9dJmoa

from Vikatan Latest news https://ift.tt/l1cvqdu