ஆசியக்கோப்பை 2023 இறுதிபோட்டியில் இலங்கையை வீழ்த்தி 8- வது முறையாக கோப்பையை வென்றிருக்கிறது இந்திய அணி.
இந்நிலையில் இந்திய அணியின் வெற்றி குறித்து பேசிய கவுதம் கம்பீர் தோனியைப் பற்றியும் பாராட்டி பேசியிருக்கிறார். எப்போதும் தோனியைப் பற்றி முரணான கருத்துக்களை வெளிப்படுத்தி வரும் கம்பீர் தற்போது தோனியையைப் பாராட்டி பேசியிருப்பது ஆச்சரியமடையச் செய்திருக்கிறது.
தோனி குறித்துப் பேசிய இந்திய அணியின் முன்னாள் வீரர் கவுதம் கம்பீர், “ போட்டியின் திசையையே மாற்றக்கூடிய திறமை பெற்றிருந்த முதல் இந்திய விக்கெட் கீப்பர்- பேட்ஸ்மேன் வீரர் தோனிதான்.
அவரைப் போன்ற பலம் வாய்ந்த வீரரை, பேட்டிங் வரிசையில் 7 வதாக பெற்றது இந்திய கிரிக்கெட் அணியின் வரம். தொடக்க காலத்தைப் போலவே அவர் 3 வது இடத்தில் களமிறங்கி இருந்தால் ஒருநாள் போட்டிகளில் பல்வேறு சாதனைகளை நிகழத்தியிருப்பார்.
ஆனால் கேப்டன் பொறுப்பை ஏற்றதால் இந்திய அணி கோப்பைகளை வெல்ல வேண்டும் என்பதற்காவே பேட்டிங் வரிசையில் 6-வது, 7-வது இடத்தில் களமிறங்கி தியாகம் செய்திருக்கிறார் தோனி என்று அவரைப் பாராட்டியிருக்கிறார் கவுதம் கம்பீர். கவுதம் கம்பீரின் தோனியைப் பற்றிய கருத்து குறித்த உங்கள் கமென்ட்டை பதிவிடுங்கள்!
from Latest news https://ift.tt/IoimW8s
0 Comments