ராகு-கேது பெயர்ச்சி பலன்கள் 2022: ரிஷபம் - கே.பி.வித்யாதரன்

கொள்கையை விட்டுக்கொடுக்காதவர் நீங்கள்; மற்றவர்சுதந்திரத்தில் ஒருபோதும் தலையிடமாட்டீர்கள். நியாயத்தின் பக்கம் நின்று அதர்மத்தை எதிர்த்துப் போராடுவீர்கள். வாக்குறுதி தந்துவிட்டால் அதை நிறைவேற்றும் வரை ஓயமாட்டீர்கள். உங்களுக்கு இந்த ராகுவும், கேதுவும் இணைந்து 21.03.2022 முதல் 08.10.2023 வரை எப்படிப்பட்ட பலன்களை தரப்போகிறார்கள் என்பதைப் பார்ப்போம்.

குடும்பத்தில் சந்தோஷத்தை அதிகப்படுத்துவார் ராகு!

ராகுவின் பலன்கள்:

இதுவரை உங்கள் ராசியில் அமர்ந்துகொண்டு திக்கு திசையறியாது திண்டாட வைத்ததுடன், காரண காரியமே இல்லாமல் பல பிரச்னை களில் சிக்க வைத்த ராகுபகவான் ராசிக்கு 12-ம் வீட்டிற்கு வந்து அமர்கிறார். மனதில் நிம்மதி பிறக்கும். இதுவரையிலும் அடிக்கடி தலைவலி, முதுகுவலி, கால் வலி என அவதிப்பட்ட நீங்கள், இனி உடல் சார்ந்த பிரச்னைகளிலிருந்து விடுபடுவீர்கள்.

உங்களின் மனதில் இருந்த வீண் பயம் நீங்கி; தைரியமும் தெளிவும் உண்டாகும். நிம்மதியான தூக்கம் வாய்க்கும். மற்றவர்களுக்கு உதவப்போய் நீங்கள் பிரச்னைகளில் சிக்கித் தவித்தீர்களே! அந்த நிலையெல்லாம் மாறும். குடும்பத்தில் சந்தோஷம் குடிகொள்ளும். சந்தேகத்தாலும், வாக்குவாதத்தாலும் பிரிந்திருந்த கணவன்-மனைவி ஒன்று சர்வீர்கள். உங்களுக்குள் கலகம் ஏற்படுத்தியவர்களை ஒதுக்கித் தள்ளுங்கள். வரவேண்டிய பணம் கைக்கு வந்து சேரும். வீட்டில் அடுத்தடுத்து கல்யாணம், கிரகப் பிரவேசம் என நல்லதெல்லாம் நடந்துகொண்டேயிருக்கும். தாயாருக்கு உடல்நிலை மேம்படும். அவருக்கு இருந்துவந்த மூட்டுவலி, சர்க்கரை நோய் விலகும். ஆன்மிகத் தில் நாட்டம் அதிகரிக்கும். வெளிமாநில புண்ணிய ஸ்தலங்களுக்குக் குடும்பத்துடன் சென்று வருவீர்கள்.

கே.பி.வித்யாதரன்

ராகு பகவானின் நட்சத்திர சஞ்சாரம்:

சூரியனின் நட்சத்திரமான கார்த்திகை 1-ம் பாதத்தில்: 21.3.2022 முதல் 22.5.2022 வரை ராகுபகவான் கார்த்திகை 1-ம் பாதத்தில் செல்கிறார். பூர்வீகச் சொத்துப் பிரச்னைகளுக்கு தீர்வு கிடைக்கும். மனதில் தன்னம்பிக்கை மிளிரும்.

சுக்ரனின் பரணி நட்சத்திரத்தில்: 23.05.2022 முதல் 29.01.2023 வரை பரணியில் ராகுபகவான் செல்வதால், சோம்பல் நீங்கும். பணப் பற்றாக்குறை விலகும். புதிய டிசைனில் நகை வாங்குவீர்கள். தடைப் பட்ட வேலைகளை விரைந்து முடிப்பீர்கள்.

கேதுவின் அஸ்வினி நட்சத்திரத்தில்: 30.01.2023 முதல் 08.10.2023 முடிய ராகுபகவான் அசுவினியில் சஞ்சரிக்கிறார். ஆகவே, இந்தக் காலகட்டத்தில் மன உளைச்சல், காரியத்தடை, பேச்சால் பிரச்னை, உடல்நலக்குறைகள் வரக்கூடும். அரசாங்கல் காரியங்களில் அலட்சியம் வேண்டாம். எவரையும் நம்பி முக்கிய முடிவுகள் எடுக்காதீர்கள். சிலருக்கு சிறுசிறு விபத்துகள் ஏற்படக்கூடும்; கவனம் தேவை.

வியாபாரத்தில்: புதிய வகையில் முதலீடு செய்ய பணம் கிடைக்கும். சந்தை நிலவரம் அறிந்து புதிய சரக்குகளைக் கொள்முதல் செய்வீர்கள். பழைய சரக்குகளை விற்றுத் தீர்ப்பீர்கள். போட்டியாளர்களை அனுபவ அறிவால் வெல்வீர்கள். அடிக்கடி விடுப்பில் சென்ற வேலை யாட்களை மாற்றிவிட்டு புதிய பணியாளர்களை அமர்த்துவீர்கள். ஏற்றுமதி-இறக்குமதியால் அதிக லாபம் வரும். கூட்டுத் தொழிலில் புது முதலீடுகளைச் செய்வீர்கள். பங்குதாரர்களிடையே அவ்வப்போது வாக்குவாதங்களும், கருத்து மோதல்களும் வந்தாலும், இறுதியில் உங்கள் வார்த்தைக்கு கட்டுப்படுவார்கள்.

உத்தியோகத்தில் மாறுபட்ட அணுகுமுறையால் உயரதிகாரியைக் கவர்வீர்கள். பதவி உயர்வு, சம்பள உயர்வு உண்டு. உங்களைப் பகையாக பார்த்த சக ஊழியர்கள் இனி நட்புக் கரம் நீட்டுவார்கள்.

கணினித் துறையினருக்கு வெளிநாட்டுத் தொடர்புடைய நிறுவனங்களிலிருந்து வாய்ப்பு வரும். கலைஞர்கள் புதிய வாய்ப்பு களால் புகழ் அடைவார்கள்.

ராகு கேது பெயர்ச்சி பலன்கள் ரிஷபம்

கேதுவின் பலன்கள்:

இதுவரையிலும் உங்களின் ராசிக்கு ஏழாவது வீட்டில் இருந்துகொண்டு உங்களுக்கும், உங்கள் மனைவிக்கும் இடையே வாக்குவாதங்களையும், சண்டை சச்சரவுகளையும், உடல் நலக்குறைவையும் அடுக்கடுக்காக தந்து உங்களை அல்லல் படுத்திவந்தார் கேதுபகவான். அவர் தற்போது உங்கள் ராசிக்கு 6-ம் வீட்டில் அடியெடுத்து வைக்கிறார். ஆகவே பிரச்னைகளுக்கான காரணத்தைக் கண்டறிந்து நீக்கும் வல்லமையைத் தருவார்.

குடும்பத்தில் கலகலப்பும் சந்தோஷமும் கூடும். சந்தேகத்தாலும், ஈகோ பிரச்னையாலும் பிரிந்திருந்த தம்பதியர் ஒன்று சேருவீர்கள். பிள்ளைகளின் போக்கில் நல்ல மாற்றம் உண்டாகும். புதிய சொத்து வாங்குவீர்கள். விலகிச் சென்றவர்களும் இனி வலிய வந்து பேசுவார்கள். உங்களின் எதிரிகள் பலவீனம் அடைவார்கள். வழக்கு சாதகமாகும். பிரபலங்களின் நட்பும் ஆதரவும் கிடைக்கும். தடைப்பட்டிருந்த காரியத்தைச் செவ்வனே முடிப்பீர்கள். ஷேர் லாபம் தரும்.

கேது பகவானின் நட்சத்திர சஞ்சாரம்:

குருவின் விசாகம் நட்சத்திரத்தில்: 21.03.2022 முதல் 24.09.2022 வரை கேது பகவான் விசாகத்தில் செல்கிறார். கொஞ்சம் அலைச்சலும் டென்ஷனும் உண்டு. சில தருணங்களில் பெரிய மனிதர்களின் பகையைச் சம்பாதிக்க நேரிடும்; முன்கோபத்தைத் தவிர்க்கவும்.

ராகுவின் சுவாதி நட்சத்திரத்தில்: 25.09.2022 முதல் 04.06.2023 வரை கேது சுவாதியில் செல்வதால் பயம், தாழ்வுமனப்பான்மை, சின்ன சின்ன அறுவை சிகிச்சைகள், வீண் செலவுகள் வந்து நீங்கும்.

செவ்வாயின் சித்திரை நட்சத்திரத்தில்: 04.06.2023 முதல் 08.10.2023 வரையிலும் சித்திரையில் சஞ்சரிக்கிறார் கேது. ஆகவே சகோதரர்கள் பாசப்பிணைப்புடன் இருப்பார்கள். அவர்களால் உதவிகள் உண்டு. மனைவி வழியிலும் ஒத்துழைப்பு அதிகரிக்கும்.

வியாபாரத்தில்: போராட்டங்கள் நீங்கும். கடையை வேறிடத்திற்கு மாற்றுவீர்கள். வாடிக்கையாளர்களின் தேவைகளுக்குத் தகுந்தாற் போல் பொருட்களை வாங்கி வைப்பீர்கள். கூட்டுத்தொழிலில் பங்குதாரர்களுடன் இருந்து வந்த பிணக்குகள் நீங்கும்.

உத்தியோகத்தில் உங்களை வெறுத்து ஒதுக்கிய மேலதிகாரி, இனி வலிய வந்து பேசுவார். உங்களின் கடின உழைப்புக்காகப் பதவியுயர்வு, சம்பள உயர்வெல்லாம் உண்டு. சக ஊழியர்களும் உங்களுக்காகப் பரிந்து பேசுவார்கள். வழக்குகள் வெற்றியடையும்.

from Latest News https://ift.tt/Ilj6Vom