Broken Script (தமிழ்)
ஜியோவானி சிங் இயக்கி நடித்திருக்கும் தமிழ்த் திரைப்படம் 'Broken Script'. மூன் நிலா, ரியோ உள்ளிட்டோர் இதில் முக்கியக் கதாபாத்திரங்களில் நடித்துள்ளனர். காமெடி, க்ரைம் திரில்லர் திரைப்படமான இது ஆகஸ்ட் 18ம் தேதி திரையரங்குகளில் வெளியாகியுள்ளது.
சீரியல் கில்லர் ஒருவன், ஆர்கன்ஸ் ஸ்பெஷலிஸ்ட் டாக்டர்களைத் தேடித் தேடிக் கொலை செய்கிறான். அந்த சீரியல் கில்லர் யார், அவனின் நோக்கம் என்ன என்பதே இதன் கதைக்களம்.
Ghoomer (இந்தி)
ஆர்.பால்கி இயக்கத்தில் ஷபானா ஆஸ்மி, அபிஷேக் பச்சன், சயாமி கெர், அங்கத் பேடி உள்ளிட்டோர் நடிப்பில் உருவாகியுள்ள திரைப்படம் 'Ghoomer'. ஒரு கையை இழந்த கிரிக்கெட் வீராங்கனையின் வெற்றிக் கதையான இப்படம் ஆகஸ்ட் 18ம் தேதி திரையரங்குகளில் வெளியாகியுள்ளது.
இந்திய கிரிக்கெட் அணியில் தேர்வான வீராங்கனை எதிர்பாராத விதமாக ஒரு விபத்தில் தன் வலது கையை இழந்துவிடுகிறார். இதனால், தன் கிரிக்கெட் கனவை அடைய முடியாது, இந்திய அணிக்காக விளையாட முடியாது என்று வீட்டில் முடங்கி விடுகிறார். அவரது நிலைமையைக் காணும் கிரிக்கெட் கோச்சான அபிஷேக் பச்சன், அவருக்கு ஊக்கம் கொடுத்து மீண்டும் அப்பெண்ணின் கிரிக்கெட் கனவைச் சாத்தியப்படுத்தப் பக்கபலமாக இருக்கிறார். இதுதான் இந்தப் படத்தின் கதைக்களம்.
ஒரு கையை இழந்த 'கரோலி டாகாஸ்' என்கிற, இரண்டு முறை ஒலிம்பிக்ஸில் தங்கப்பதக்கம் வென்ற ஹங்கேரிய துப்பாக்கிச் சுடும் வீரரின் வாழ்க்கைக் கதையிலிருந்து ஈர்க்கப்பட்டு இயக்குநர் இப்படத்தை இயக்கியுள்ளார்.
Blue Beetle (ஆங்கிலம்)
ஏஞ்சல் மானுவல் சோட்டோ இயக்கத்தில் ஷோலோ மாரிடியூனோ, புரூனா மாரிக்யூசைன், பெக்கி ஜி உள்ளிட்டோர் நடிப்பில் உருவாகியுள்ள திரைப்படம். வார்னர் ப்ரோஸின் 'DC' காமிக்ஸ் சூப்பர் ஹீரோ சயின்ஸ் பிக்ஸன் திரில்லர் திரைப்படமான இது ஆகஸ்ட் 18ம் தேதி திரையரங்குகளில் வெளியாகியுள்ளது.
சூப்பர் பவர் கொண்ட நீலப் பூச்சியால் (கேட்ஜெட்) அசாத்திய சக்திகளைப் பெறும் கதாநாயகன் என்ன செய்வதென்று தெரியாமல் திரிகிறார். சிலர் அவரின் சக்திகளை வியாபாரப்படுத்தி பணம் சம்பாதிக்கும் திட்டத்துடன் இருக்கின்றனர். இதற்கிடையில் அதைவிட சூப்பர் சக்திகளைக் கொண்ட வில்லன் ஒருவன் உருவாகி நாட்டை சூரையாடுகிறார். கதாநாயகன் தன் சக்திகளைக் கொண்டு எதிரிகளை வென்று நாட்டைக் காப்பாற்றினாரா, அவரது சூப்பர் பவர் என்னவானது என்பதுதான் இதன் கதைக்களம்.
Haunting of the Queen Mary (ஆங்கிலம்)
கேரி ஷோர் இயக்கத்தில் ஆலிஸ் ஈவ், டிம் டவுனி, ஜோயல் ஃப்ரை உள்ளிட்டோர் நடிப்பில் உருவாகியுள்ள திரைப்படம் 'Haunting of the Queen Mary'. ஹாரர் திரைப்படமான இது, ஆகஸ்ட் 18ம் தேதி திரையரங்குகளில் வெளியாகியுள்ளது.
பிரமாண்ட கப்பல் ஒன்றில் பயணம் செல்லும் அனைவரும் அக்கப்பலில் மாட்டிக்கொள்கிறார்கள். அக்கப்பலில் நடக்கும் கொலைகள், அமானுஷ்ய விஷயங்கள் பயணிகளை அச்சத்தில் ஆழ்த்துகின்றன. அங்கிருந்து தப்பிக்க முடியாமல் தவிப்பவர்களை ஒவ்வொருவராக வேட்டையாடி கொலை செய்கின்றன அங்கிருக்கும் அமானுஷ்ய சக்திகள். சிலர் பயத்தில் தற்கொலையும் செய்துகொள்கிறார்கள். உயிருடன் இருக்கும் மற்ற பயணிகளும், கதாநாயகியின் குடும்பமும் அங்கிருந்து தப்பித்தார்களா, அதன் பின்னணி என்ன என்பதுதான் இதன் கதைக்களம்.
The Childe (Korean)
பார்க் ஹூன்-ஜங் இயக்கத்தில் கிம் சியோன்-ஹோ, காங் டே-ஜூ, காங்-வூ கிம் உள்ளிட்டோர் நடிப்பில் உருவாகியுள்ள திரைப்படம் 'The Childe'. சைக்கலாஜிக்கல் திரில்லர் திரைப்படமான இது ஆகஸ்ட் 18ம் தேதி திரையரங்குகளில் வெளியாகியுள்ளது.
தனது மனசாட்சியைப் போல் இருக்கும் ஒருவன் கதாநாயகனுடனே பயணிக்கிறான். அவன் கதாநாயகனுக்கு நண்பனா, எதிரியா என்று கணிக்க முடியாதபடி இருக்கிறான். அவனால் பல ஆபத்துகளும், அதேசமயம் நன்மைகளும் வருகின்றன. மனம் நேரத்துக்கு நேரம் மாறுவதுபோல அவனும் சில நேரம் நல்லவனாகவும், கெட்டவனாகவும் இருக்கிறான். அவன் கதாநாயகனின் கற்பனையா, உண்மையா? அவனால் என்னனென்ன நடந்தது என்பதுதான் இதன் கதைக்களம்.
இந்த வார ஓடிடி ரிலிஸ்கள்
Aayirathonnu Nunakal (மலையாலம்) - SonyLIV
தாமர் இயக்கத்தில் ரம்யா சுரேஷ், வித்யா விஜய்குமார், ஜின்ஸ் ஷான் உள்ளிட்டோர் நடிப்பில் உருவாகியுள்ள மலையாள திரைப்படம் '1001 Nunakal'. இத்திரைப்படம் 'SonyLIV' ஓடிடி தளத்தில் வெளியாகியுள்ளது.
நீண்ட நாள்களுக்குப் பிறகு சந்திக்கும் நெருங்கிய நண்பர்கள், தங்களுக்குள் மறைத்து வைத்திருக்கும் ரகசியங்களைப் பகிர்ந்துகொள்கிறார்கள். அதையொட்டி நடக்கும் பிரச்னைகளும், உரையாடல்களும்தான் இதன் கதைக்களம்.
The Monkey King (English) - Netflix
அந்தோணி ஸ்டாச்சி இயக்கத்தில் உருவாகியுள்ள எபிக் அனிமேஷன் திரைப்படம் 'The Monkey King'. மாயாஜால சக்திகள் கொண்ட குரங்கின் சேட்டைகளும் அதையொட்டி நடக்கும் சுவாரஸ்யமான சம்பவங்களும்தான் இதன் கதைக்களம். ஜாலியான அனிமேஷன் திரைப்படமான இது 'Netflix' ஓடிடி தளத்தில் ஆகஸ்ட் 18ம் தேதி வெளியாகியுள்ளது.
Documentary Depp V Heard (English) - Netflix
'பைரேட்ஸ் ஆஃப் தி கரீபியன்’ படம் மூலம் பிரபலமான ஹாலிவுட் நடிகர் ஜானி டெப், தன்னைவிட 25 வயது குறைவாக இருந்த அமெரிக்க நடிகை ஆம்பர் ஹெர்ட் மீது காதல் வயப்பட்டு 2015-ல் அவரைத் திருமணம் செய்துகொண்டார். ஆனால், இவர்களின் திருமண வாழ்க்கை வெகுநாள்கள் நீடிக்கவில்லை. ஆம்பர் ஹெர்ட், ஜானி டெப் உடன் இணைந்து வாழ முடியாத காரணத்தால் விவாகரத்து கோரி வழக்கு தொடர்ந்து இருவரும் பரஸ்பர விவாகரத்துப் பெற்றனர்.
இதையடுத்து ஆம்பர் ஹெர்ட், 'ஜானி டெப் தன்னை பாலியல் துன்புறுத்தல் செய்தார்' என்று பத்திரிகைகளில் எழுதினார். இது ஜானி டெப்பின் திரை வாழ்க்கையில் பெரும் பாதிப்புகளை ஏற்படுத்தியது. இதன் காரணமாக ஜானி டெப், ஆம்பர் ஹெர்ட் மீது அவதூறு வழக்குத் தொடர, ஆம்பர் ஹெர்ட் அதை மறுத்து அவர் மீது பாலியல் துன்புறுத்தல் வழக்குத் தொடர்ந்தார்.
இருவருக்கும் நடந்த வழக்கு விசாரணையை அடிப்படையாகக் கொண்ட இந்த ஆவணத்திரைப்படம் ஆகஸ்ட் 16ம் தேதி 'Netflix' ஓடிடி தளத்தில் வெளியாகியுள்ளது.
இந்த வார வெப்சீரிஸ்கள்
மத்தகம் (தமிழ்) - Disney Plus Hotstar
பிரசாத் முருகேசன் இயக்கத்தில் அதர்வா, மணிகண்டன், ஷரத் ரவி, நிகிலா விமல், கௌதம் வாசுதேவ் மேனன் உள்ளிட்டோர் நடிப்பில் உருவாகியுள்ள திரைப்படம் 'மத்தகம்'.
நேர்மையான காவல் அதிகாரியான அதர்வா, ஒரு பெரிய குற்றம் செய்யத் திட்டமிடும் கும்பலையும், அதன் தலைவனின் (மணிகண்டன்) அசாத்திய திட்டங்களையும் முறியடித்தாரா என்பதுதான் இதன் கதைக்களம். போலீஸ் - ரவுடி கும்பல்களுக்கிடையே நடக்கும் க்ரைம் திரில்லர் வெப்சீரிஸான இது ஆகஸ்ட் 18ம் முதல் தேதி 'Disney + Hotstar' ஓடிடி தளத்தில் வெளியாகிறது.
Taali (இந்தி) - Jio Cinema
அர்ஜுன் சிங் பரன், கார்த்திக் நிஷாந்தர், அஃபீபா நதியத்வாலா சயீத் ஆகியோர் இயக்கத்தில் சுஷ்மிதா சென் நடிப்பில் உருவாகியுள்ள இந்தி வெப்சீரிஸ் 'Taali'. இது 'Jio Cinema' ஓடிடி தளத்தில் ஆகஸ்ட் 15ம் தேதி முதல் வெளியாகிறது.
மும்பையைச் சேர்ந்த சமுக ஆர்வலர் மற்றும் திருநங்கைகளின் உரிமைக்காகக் குரல் கொடுத்து வரும் கௌரி சாவந்த் (Gauri Sawant) என்ற திருநங்கையின் வாழ்கை வரலாற்றை அடிப்படையாகக் கொண்ட வெப்சீரிஸ் இது.
Guns And Gulaabs (இந்தி) - Netflix
கிருஷ்ணா டி.கே., ராஜ் நிடிமோரு (Raj - DK) ஆகியோர் இயக்கத்தில் துல்கர் சல்மான், ராஜ்குமார் ராவ், ஆதர்ஷ் கவுரவ் உள்ளிட்டோர் நடிப்பில் உருவாகியுள்ள வெப்சீரிஸ் 'Guns And Gulaabs'. காமெடி, க்ரைம் திரில்லர் வெப்சீரிஸான இது Netflix ஓடிடி தளத்தில் ஆகஸ்ட் 18ம் தேதி வெளியாகியிருக்கிறது.
கேங்ஸ்டராக இருந்து மறைந்த தன் தந்தையின் பிம்பத்திலிருந்து வெளியேறி, அன்புள்ள நல்லவனாக தன்னை இந்த உலகத்திற்கு அடையாளப்படுத்தப் போராடும் ஒரு மெக்கானிக்கின் கதைதான் இந்த வெப்சீரிஸின் கதைக்களம்.
The Chosen One (ஆங்கிலம்) Netflix
எவரார்டோ கீல்வாதம் இயக்கத்தில் டயானா அக்ரோன், பாபி லுஹ்னோ, டெனோச் ஹுர்டா உள்ளிட்டோர் நடிப்பில் உருவாகியுள்ள வெப்சீரிஸ் 'The Chosen One'. ஆக்ஷன், அட்வன்சர், திரில்லர் வெப்சீரிஸான இது ஆகஸ்ட் 16ம் தேதி முதல் 'Netflix' ஓடிடி தளத்தில் வெளியாகியிருக்கிறது.
12 வயது சிறுவன் தனக்குள் இயேசு கிறிஸ்த்துவின் சக்திகளை உணர்கிறார். தண்ணீரை மதுவாக மாற்றுவது, இறந்தவரை உயிர்த்தெழ வைப்பது என கடவுளால் செய்ய முடிந்ததை தன்னாலும் செய்யமுடியும் என்று உணர்கிறார். அது அவரை எங்குக் கூட்டிச் சென்றது, அவரது வாழ்க்கையில் என்னென்ன மாற்றங்கள் நடந்தன என்பதுதான் இதன் கதைக்களம்.
Harlan Coben's Shelter (English) - Amazon Prime Video
சார்லோட் கோபன், ஹார்லன் கோபன் படைப்பாக்கத்தில் ஜேடன் மைக்கேல், கான்ஸ்டன்ஸ் ஜிம்மர், அட்ரியன் கிரீன்ஸ்மித் உள்ளிட்டோர் நடிப்பில் உருவாகியுள்ள வெப்சீரிஸ் 'Harlan Coben's Shelter'. க்ரைம் திரில்லர் வெப்சீரிஸான இது 'Amazon Prime Video' ஓடிடி தளத்தில் ஆகஸ்ட் 18ம் தேதி வெளியாகியிருக்கிறது.
நண்பர்கள் மூவர் தங்களைச் சுற்றி நடக்கும் அமானுஷ்யங்களைக் கண்டுபிடிக்க முயல்வதுதான் இதன் கதைக்களம்.
Mask Girl (Korean) - Netflix
கிம் யோங்-ஹூன் இயக்கத்தில் ரென் ஹனாமி, எலைன் வாங், ஜோலீன் கிம் உள்ளிட்டோர் நடிப்பில் உருவாகியுள்ள கொரியன் மொழி வெப்சீரிஸ் 'Mask Girl'. க்ரைம் திரில்லர் வெப்சீரிஸான இது ஆகஸ்ட் 18ம் தேதி 'Netflix' ஓடிடி தளத்தில் வெளியாகியுள்ளது.
அலுவலகத்தில் பணிபுரியும் ஓர் அழகான பெண் தனக்கு நடக்கும் பாலியல் சீண்டல்களாலும், பிரச்னைகளாலும் பாதிக்கப்படுகிறார். ஒரு கட்டத்தில் இப்படித் தவறுகள் செய்யும் ஆண்களை முகமூடி அணிந்து வீடியோ காலில் பேசி தன் வலையில் சிக்க வைத்து கொலை செய்கிறார். இந்தத் தொடர் கொலைகளுக்கான தீர்வு என்ன, அப்பெண் முன்வைக்கும் கேள்விகளுக்கான பதில்கள் என்ன என்பதே இதன் கதைக்களம்.
தியேட்டர் டு ஓடிடி
Vishudha Mejo (மலையாளம்) - YouTube
கிரண் ஆண்டனி இயக்கத்தில் டினோய் பவுலோஸ், மேத்யூ தாமஸ், லிஜோ மோல் ஜோஸ் உள்ளிட்டோர் நடிப்பில் உருவாகியுள்ள மலையாளத் திரைப்படம் 'Vishudha Mejo'. திரையரங்குகளில் வெளியாகியிருந்த இத்திரைப்படம் தற்போது 'YouTube' தளத்தில் வெளியாகியுள்ளது.
கதாநாயகி லிஜோ மோல் ஜோஸ் சென்னையில் கல்லூரிப் படிப்பு முடித்து விட்டு சொந்த ஊருக்கு வருகிறார். அவரைப் பார்க்கும் அவரது பால்ய வயது சிநேகிதனான மேத்யூ மீண்டும் நண்பர்களாகிப் பழத் தொடங்குகிறார். அந்த நட்பு மேத்யூவிற்குக் காதலாக மாற அந்தக் காதலை லிஜோவிடம் சொன்னாரா இல்லையா என்பதுதான் இதன் கதைக்களம்
Amala (மலையாளம்) - Amazon Prime Video
நிஷாத் இப்ராஹிம் இயக்கத்தில் அனார்கலி மரிக்கார், ரஜிஷா விஜயன், ஸ்ரீகாந்த், பிட்டோ டேவிஸ் உள்ளிட்டோர் நடிப்பில் உருவாகியுள்ள மலையாளத் திரைப்படம் 'Amala'. திரையரங்குகளில் வெளியாகியிருந்த இத்திரைப்படம் 'Amazon Prime Video' ஓடிடி தளத்தில் வெளியாகியுள்ளது.
ஒரே இரவில் நகரில் நடக்கும் தொடர் கொலைகளைக் கண்டுபிடிக்கும் வழக்கை காவல் அதிகாரியாக இருக்கும் காதநாயகன் விசாரிக்கிறார். அந்தக் கொலையாளியைக் அவர் கண்டுபிடித்தாரா, அதன் பின்னணியில் இருக்கும் மர்மம் என்ன, அமலா என்ற பெண் யார் என்பதே இதன் கதைக்களம்.
O Saathiya (தெலுங்கு) - Amazon Prime Video
திவ்யா பாவனா இயக்கத்தில் ஆர்யன் கௌரமிஷ்டி, சக்ரவர்த்தி, கல்பலதா உள்ளிட்டோர் நடிப்பில் உருவாகியுள்ள திரைப்படம் 'O Saathiya'. திரையரங்குகளில் வெளியாகியிருந்த இத்திரைப்படம் தற்போது 'Amazon Prime Video' ஓடிடி தளத்தில் வெளியாகியுள்ளது.
அர்ஜுன் மற்றும் கீர்த்தி இருவருக்கும் இடையே உருவாகும் காதல்தான் இதன் கதைக்களம்.
Dungeons & Dragons Honor Among Thieves (ஆங்கிலம்) - Amazon Prime Video
ஜான் பிரான்சிஸ் டேலி, ஜொனாதன் கோல்ட்ஸ்டைன் இயக்கத்தில் கிறிஸ் பைன், மைக்கேல் ரோட்ரிக்ஸ், ரெஜி-ஜீன் பேஜ் உள்ளிட்டோர் நடிப்பில் உருவாகியுள்ள ஆங்கில மொழித் திரைப்படம் 'Dungeons & Dragons: Honor Among Thieves'. திரையரங்குகளில் வெளியாகியிருந்த இத்திரைப்படம் தற்போது 'Amazon Prime Video' ஓடிடி தளத்தில் வெளியாகியுள்ளது.
from Latest news https://ift.tt/TXBVniv
0 Comments