தயாநிதி மாறன்: `இந்தியில் வந்த போன் கால்’ - எம்.பி வங்கி கணக்கிலிருந்து மாயமான 99,999 ரூபாய்!

சென்னை ஆர்.ஏ புரம், போர்ட் கிளப் பகுதியில் வசித்து வரும் தயாநிதி மாறன் எம்.பி, கடந்த 9.10.2023-ம் தேதி சென்னை போலீஸ் கமிஷனரிடம் புகார் ஒன்றைக் கொடுத்திருக்கிறார். அதில் கூறியிருப்பதாவது, ``நான் மேற்கண்ட முகவரியில் குடியிருந்து வருகிறேன். நான் தி.மு.க.வில் நாடாளுமன்ற உறுப்பினராகவும் உள்ளேன். நானும் எனது மனைவியும் சேர்ந்து ஜாயின்ட் அக்கவுண்ட்டை கோபாலபுரத்தில் உள்ள தனியார் வங்கியில் சேமிப்பு கணக்கு வைத்திருக்கிறோம். கடந்த 8.10.2023-ம் தேதி மாலை 4.10 மணியளவில் மலேசியாவிலிருக்கும் என் மனைவிக்கு தெரியாத போன் நம்பர்களில் இருந்து மூன்று தடவை போன் அழைப்பு வந்திருக்கிறது. அதில் இந்தியில் பேசியவர்கள், வங்கியில் இருந்து பேசுவதாகவும், ரூ.99,000 பணபரிவர்த்தனை உங்களால் செய்யப்பட்டதா? எனக் கேள்வி எழுப்பினார்கள். எனது மனைவி எந்தவித ஓடிபி நம்பரையும் ஷேர் செய்யாத நிலையில், எங்கள வங்கி கணக்கிலிருந்து 99,999 ரூபாய் ஒரே தடவையாக எடுக்கப்பட்டிருப்பதாக எஸ்.எம்.எஸ் வந்தது. எனவே சம்பந்தப்பட்ட மோசடி நபர்கள் மீது நடவடிக்கை எடுத்து பணத்தை மீட்டுத் தரும்படி கேட்டுக் கொள்கிறேன்" என்று குறிப்பிட்டிருக்கிறார். மேலும், வங்கியுடன் இணைக்கப்பட்டிருக்கும் மொபைல் நம்பர் தன்னுடையது தான் என்றும், தனது மனைவியின் மொபைல் நம்பர் இல்லை என்றும் தனது புகாரில் தயாநிதி மாறன் தெரிவித்துள்ளார்.

தயாநிதி மாறன் எம்.பி கொடுத்த புகார்

கலாநிதி மாறன் ரூ.12,450 கோடி; உதயநிதி..?! - அண்ணாமலை வெளியிட்ட சொத்துப் பட்டியல் | முழு விவரம்

அதன்பேரில் சென்னை போலீஸ் கமிஷனர் சந்தீப் ராய் ரத்தோர், சென்னை மத்திய குற்றப்பிரிவின் சைபர் க்ரைம் போலீஸாருக்கு இந்தப் புகார் மனுவை அனுப்பி விசாரணை நடத்த உத்தரவிட்டிருக்கிறார். அதன்பேரில் சைபர் க்ரைம் போலீஸார், தயாநிதி மாறன் எம்.பி கொடுத்த புகாரில் குறிப்பிட்டிருக்கும் போன் நம்பர்களை ஆய்வு செய்து வருகிறார்கள். முதற்கட்ட விசாரணையில் மூன்று தடவை இந்தியில் பேசியிருப்பதாக தகவல் கிடைத்திருக்கிறது. அதனால் வடமாநிலத்தைச் சேர்ந்த மோசடி கும்பல் மீது போலீஸாரின் சந்தேகப் பார்வை விழுந்திருக்கிறது. வங்கி தரப்பிலும் போலீஸார் விசாரித்து வருகிறார்கள்.

தயாநிதி மாறன் மற்றும் அவரின் மனைவி ஆகியோர் சேர்ந்து பயன்படுத்தி வரும் வங்கி கணக்கிலிருந்து நூதன முறையில் பணம் எடுக்கப்பட்ட தகவல் பரபரப்பை ஏற்படுத்தியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://bit.ly/46c3KEk

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/46c3KEk

from Latest news https://ift.tt/L1BMzr9